श्रीशिवपञ्चाक्षरस्तोत्रम् -<br /><br />नागेन्द्रहाराय त्रिलोचनाय,<br />भस्माङ्गरागाय महेश्वराय ।<br />नित्याय शुद्धाय दिगम्बराय,<br />तस्मै न काराय नमः शिवाय ॥१॥<br /><br />मन्दाकिनी सलिलचन्दन चर्चिताय,<br />नन्दीश्वर प्रमथनाथ महेश्वराय ।<br />मन्दारपुष्प बहुपुष्प सुपूजिताय,<br />तस्मै म काराय नमः शिवाय ॥२॥<br /><br />शिवाय गौरीवदनाब्जवृन्द,<br />सूर्याय दक्षाध्वरनाशकाय ।<br />श्रीनीलकण्ठाय वृषभध्वजाय,<br />तस्मै शि काराय नमः शिवाय ॥३॥<br /><br />वसिष्ठकुम्भोद्भवगौतमार्य,<br />मुनीन्द्रदेवार्चितशेखराय।<br />चन्द्रार्क वैश्वानरलोचनाय,<br />तस्मै व काराय नमः शिवाय ॥४॥<br /><br />यक्षस्वरूपाय जटाधराय,<br />पिनाकहस्ताय सनातनाय ।<br />दिव्याय देवाय दिगम्बराय,<br />तस्मै य काराय नमः शिवाय ॥५॥<br /><br />पञ्चाक्षरमिदं पुण्यं यः पठेच्छिवसन्निधौ ।<br />शिवलोकमवाप्नोति शिवेन सह मोदते ॥
